CITEA

Son numerosas as especies de vertebrados acuáticos  asociadas ao río e constitúen unha comunidade ben conservada e de alto interese.

Os insectos son depredados dentro da auga polas troitas e os merlos rieiros, mentres que as formas aladas son o alimento das lavandeiras real e branca, e dos morcegos de ribeira. Unha ave típica do bosque de ribeira na época de cría é o ouriol, mentres que a garza cinsenta é habitual no inverno.

Como bioindicadores da saúde ambiental das augas podemos localizar no Tea mamíferos pouco comúns como o auganeiro, o furaño patibranco e a lontra, especie da que mesmo é posible descubrir as pegadas na beira do río, como as do tímido furón.

Sempre preto da auga, é posible observar tres especies endémicas do noroeste peninsular, como son o lagarto das silvas, a salamántiga rabilonga e a ra patilonga.